Байдирахманова Бекзат Сапаргалиевна
Лицей директоры
Лицей жұмысына жетекшілік етеді. Оқу үдерісін ұйымдастырып, мұғалімдер ұжымымен бірге лицейдің даму бағыттарын айқындайды.
Aqbobek
Lyceum.
Батыс өңірінде теңдесі жоқ, дарынды балаларға арналған IT бағытындағы лицей-интернат
Ақтөбе, Қазақстан
AQBOBEK LYCEUMЛицей туралы
Болашағың осы жерден басталадыБілім. Технология. Мүмкіндік.
IT LYCEUM
- 7-11 сыныптар
- IT бағыты
- Лицей-интернат
- Оқыту тек қазақ және ағылшын тілдерінде
Лицей туралы
Mission | Vision | Values
- Mission: Цифрлық дәуірде жаңалықтар ашуға шабыт береміз
- Vision: Цифрлық технологиялар арқылы білім беретін “Үлкен әлеует” мектебі боламыз
- Values: Сенім. Ұйымшылдық. Құрмет. Жауапкершілік. Адалдық. Табандылық. Ашықтық.
Не үшін «Ақбөбек» лицейі?
«Ақбөбек» лицейі - заманауи білім беру талаптарына толықтай сай, оқушы тұлғасының жан-жақты дамуына жағдай жасайтын білім ордасы. Біз сапалы білім берумен қатар, әр баланың дарыны мен қабілетін ашуға бағытталған жеке тәсілді ұстанамыз.
- Жоғары білім сапасы: пәндерді тереңдетіп оқыту, тәжірибелі ұстаздар құрамы және үздік білім беру әдістемелері
- Цифрлық орта: заманауи технологиялар мен интерактивті платформаларды қолдану арқылы білім беру үрдісі тиімді және қызықты өтеді
- Дарынды балаларды қолдау: олимпиадаларға, ғылыми жобаларға қатысуға бағытталған арнайы бағдарламалар
- Қауіпсіз және қолайлы орта: оқушылардың денсаулығы мен қауіпсіздігі басты назарда
- Тәрбиелеу мен құндылықтар: білім мен тәрбиені ұштастыра отырып, ұлттық рухы биік, жан-жақты тұлға қалыптастыру
«Ақбөбек» лицейі - балаңыздың табысты болашағының кепілі! Бізбен бірге білім әлеміне сенімді қадам жасаңыз!
Директордың сәлемі
Құрметті ата-аналар, қымбатты оқушылар, қадірлі ұстаздар! «Aqbobek Lyceum» лицейінің ресми сайтына қош келдіңіздер!
Білім - баланың болашағына салынған ең маңызды инвестиция. Біздің міндетіміз - білім берумен қатар, оқушының өз бетінше ойлауына, орынды сұрақ қоюына, шешім іздеуіне және өз идеясын жүзеге асыруына жағдай жасау.
Aqbobek Lyceum-да математика, ағылшын тілі және ақпараттық технологиялармен қатар, зерттеу, жобалау, олимпиадалық қозғалыс пен кәсіпкерлікке де ерекше мән береміз. Біз технологияны жай ғана қолданатын емес, оның көмегімен жаңа дүние жасайтын оқушыны тәрбиелеуге ұмтыламыз.
Бұл жолда ұстаздың рөлі ерекше. Ұстаз - тек білім беруші емес, оқушының қабілетін байқап, оны дамытуға бағыт беретін тәлімгер. Ата-ана мен мектептің өзара сенімі де баланың жетістігіне ықпал етеді.
Біздің мақсатымыз - оқушыны ертеңгі өзгерістерге дайындау ғана емес, сол өзгерістерді жасай алатын тұлға етіп қалыптастыру.
Құрметпен,
Байдирахманова Бекзат Сапаргалиевна
«Aqbobek Lyceum» директоры
Білім Беру
Біздің білім беру бағдарламаларымыз 7-11-сынып оқушыларына арналған және білімнің практикалық қолданылуына баса назар аудара отырып, негізгі пәндерді тереңдетіп оқытуға бағытталған.
Орта Мектеп (7-9 сынып)
Орта буын оқушылары білім берудің мемлекеттік бағдарламасы бойынша оқиды. Бағдарлама оқушылардың жан-жақты дамуына және базалық білім алуына бағытталған. Негізгі оқу бағдарламасына қосымша ретінде сабақ кестесіне төмендегідей сағаттар енгізілген:
- •Ағылшын тілі: аптасына 2 сағат
- •Математика: аптасына 2 сағат
- •Информатика: аптасына 1 сағат
Бұл пәндер оқушыларды IT саласымен ерте таныстырып, логикалық ойлау қабілеті мен практикалық дағдыларын дамытады. Жобалық сабақтарда оқушылар командамен жұмыс істеуді, креативті ойлауды, өз идеяларын жоспарлап, жүзеге асыруды үйренеді.
Жоғары Мектеп (10-11 сынып)
Жоғары сыныптарға арналған оқу бағдарламасы оқушылардың кәсіби және академиялық бағдарын нақтылап, болашаққа мақсатты түрде дайындалуына мүмкіндік береді. Бағдарлама мазмұны қазіргі заман талаптарына сәйкес құрылып, жан-жақты дамуды көздейді.
- •ҰБТ-ге жүйелі дайындық: Оқушылар өз таңдаған бейіндік пәндерін тереңдетіп оқиды. Апталық кестеге ҰБТ-ге бағытталған арнайы сабақтар енгізілген. Бұл сабақтарда тест стратегиялары, уақытты тиімді басқару әдістері үйретіліп, тұрақты түрде практикалық сынақ тесттері ұйымдастырылады.
- •IELTS, SAT халықаралық емтихандарға дайындық: Мектеп бағдарламасы халықаралық стандарттарға бейімделген. Тілге қабілеті жоғары оқушылар үшін IELTS, SAT сияқты емтихандарға дайындық курстары өткізіледі. Академиялық ағылшын тілі тереңдетіліп оқытылып, эссе мен motivational letter жазуға ерекше назар аударылады.
- •Кәсіптік бағдар (Профориентация): Жеке форматта жүргізіліп, әр оқушының жетістіктері мен таңдаған мамандығына сәйкес бағыт беріледі. Профориентатордың қолдауымен оқушылардың шетелдік жоғары оқу орындарына түсу мүмкіндігі артады.
Үйірмелер мен Бірлестіктер
«Ақбөбек» лицейінде оқушыларға IT бағытындағы төрт тегін үйірме ұсынылады:
- •Бағдарламалау: C++ және Python тілдерінің негіздерін меңгеріп, алгоритмдік ойлау мен код жазу дағдыларын дамытады.
- •Arduino - Робототехника және электроника саласына қызығатындар үшін таптырмас орта. Оқушылар датчиктер мен микроконтроллерлерді қолдана отырып, түрлі жобалар жасайды.
- •Геймдев: Godot қозғалтқышында ойын құрастыруды үйренеді.
- •Жасанды интеллект: ЖИ ұғымдарымен танысып, оны оқу мен жобаларда тиімді қолдануды үйренеді.
Бұдан бөлек, лицейде шығармашылық пен әлеуметтік белсенділікке арналған Art Club және «Şyraq» волонтерлар қозғалысы жұмыс істейді.
Мұғалімдер мен Кураторлар
Біздің команда - өз ісіне адал, шәкірт тәрбиелеуге құштар, тәжірибелі ұстаздардан құралған. Әр мұғалім тек білім беріп қана қоймай, оқушының тұлғалық дамуына да үлес қосады.
Есжанов Мұратбек Сұңқарұлы
Директордың оқу ісі жөніндегі орынбасары
Оқу үдерісінің ұйымдастырылуына және білім сапасын арттыруға үлес қосады.
Душманова Айдана Қабидуллақызы
Лицей директорының тәрбие ісі жөніндегі орынбасары
Тәрбие жұмысы мен сыныптан тыс іс-шараларды ұйымдастырады. Оқушылардың тәртібі мен қауіпсіздігін қадағалап, ата-аналармен байланыста болады.
Копжасарова Турсынай Муафиковна
Лицей директорының ғылыми-әдістемелік жұмыстар жөніндегі орынбасары
Лицейдегі әдістемелік жұмысты үйлестіреді. Мұғалімдермен оқыту әдістерін талқылап, ғылыми жобалар мен пәндік бірлестіктердің жұмысына жетекшілік етеді.
Жаулбаев Азат Жұмабекұлы
Кәсіби бағдар беруші
Оқушыларға мамандық таңдауға және болашақ білім алу бағытын айқындауға көмектеседі.
Убайдуллаева Аяжан Әміржанқызы
Педагог-психолог
Оқушылардың психологиялық әл-ауқатын қолдап, оқу мен қарым-қатынас мәселелерінде кеңес береді.
Санкибаева Сауле Аманжуловна
Интернат меңгерушісі
Интернаттағы күн тәртібі мен тұрмыстық жағдайдың ұйымдастырылуына жауап береді.
Жоламан Мейрамбек Мұратұлы
Математика пәні мұғалімі, педагог-сарапшы
Еңбек өтілі - 11 жыл. 2022 жылы Қазақстан математика мұғалімдері қауымдастығы ұйымдастырған халықаралық олимпиадада 3-орын иегері.
Есалина Айзада Піралықызы
Математика пәні мұғалімі, педагог-зерттеуші
Математикадан 8,5 жыл сабақ береді. Сабақтарында цифрлық құралдарды қолданады.
Нажмадинов Марат Асхатұлы
Математика пәні мұғалімі, педагог-зерттеуші
2022-2025 жылдары бірнеше халықаралық және республикалық байқаулардың жүлдегері.
IMPACT халықаралық олимпиадасында (3-орын), Асқар Жұмаділдаев атындағы жас математиктер байқауында (2-орын), және «Оқу және математикалық сауаттылық: табысты синергия» республикалық байқауында (2-орын) жоғары нәтижелерге жеткен.
Жасанова Альбина Жусипбековна
Математика пәні мұғалімі
Математикадан сабақ береді, оқушылармен есептерді шешу жолдарын талдайды.
Арзыханов Сагынтай Кеулимжайулы
Математика пәні мұғалімі
Математикадан сабақ береді, оқушылармен есептерді шешу жолдарын талдайды.
Сулейманов Бегдулла Жалгасбайулы
Физика пәні мұғалімі, педагог-зерттеуші
Физика пәні мұғалімдеріне арналған облыстық олимпиадада І орын иегері.
Оқушыларының жетістіктері: Есенғалиев Мержан - Коперник олимпиадасының қола жүлдегері (АҚШ, Хьюстон), Ғалымжан Мансұр - облыстық пәндік олимпиаданың 2-орын иегері, Мұсағали Айжан - қалалық жасөспірімдер олимпиадасының 3-орын иегері.
Сунгариева Айгерим Бисенбаевна
Физика пәні мұғалімі
Жұмыс өтілі - 4 жыл. Физика пәні бойынша олимпиада және ғылыми жоба жеңімпаздарының жетекшісі, төрт ғылыми мақаланың авторы. Облыстық мұғалімдер олимпиадасының ұйымдастырушысы және физика пәні мұғалімдерінің VII ашық онлайн шығармашылық байқауына қатысушы.
Сарбас Сабыржан Жарасұлы
Физика пәні мұғалімі
Физиканы қазақ және ағылшын тілдерінде оқытады. Күрделі ұғымдарды тәжірибелер арқылы түсіндіреді.
Шеруенов Шыңғыс Спартакұлы
Информатика пәні мұғалімі
Еңбек өтілі - 1 жыл. Информатика мен бағдарламалау негіздерін оқытады, оқушыларға алған білімін тәжірибеде қолдануға көмектеседі.
Құлымжанова Жәйнат Тұрланқызы
Информатика пәні мұғалімі
Информатикадан 8 жыл сабақ береді. Бағдарламалауды үйретіп, сабақта практикалық жобаларға көңіл бөледі.
Тоғамысов Әбілқайыр Оңалбекұлы
Информатика пәні мұғалімі
Оқушылардың цифрлық сауаттылығы мен бағдарламалау дағдыларын дамытуға көмектеседі.
Муратова Диана Муратовна
Робототехника пәні мұғалімі
Оқушылардың робототехникаға қызығушылығын арттырып, инженерлік және бағдарламалау дағдыларын дамытуға көмектеседі.
Балтабай Жанболат Бекболатұлы
Тарих пәні мұғалімі
Оқушылардың тарих туралы білімін кеңейтіп, өткен оқиғаларды талдау дағдыларын дамытады.
Қангерей Қанат Бекжанұлы
Тарих пәні мұғалімі
Оқушылардың тарих туралы білімін кеңейтіп, өткен оқиғаларды талдау дағдыларын дамытады.
Балқұл Рахат Мақсатұлы
Тарих пәні мұғалімі
Оқушылардың тарих туралы білімін кеңейтіп, өткен оқиғаларды талдау дағдыларын дамытады.
Аманғазы Сәнім Ғабиденқызы
Химия пәні мұғалімі
Еңбек өтілі - 2 жыл. Орта буын оқушыларына химиядан сабақ береді. ҰБТ-ға қажетті негізгі тақырыптарды меңгеруге көмектеседі, ғылыми жұмыстармен айналысады.
Назаров Дастан Самигуллаевич
Химия пәні мұғалімі, педагог-эксперт
SAT, AP Class, МЭСК, ҰБТ, CLIL және PASCO тренері.
«Автомобиль жолдарының құрамындағы бетонның беріктігін арттыратын химиялық қоспа» өнертабысының авторы.
Химиядан облыс көлеміндегі олимпиадалар жеңімпазы. Оқушылары химиядан республика көлеміндегі олимпиадалардың жеңімпаздары.
Алдабергенова Әсем Өтегенқызы
Химия пәні мұғалімі
Зертханалық жұмыстарды дайындауға және қауіпсіз жүргізілуіне көмектеседі.
Қайырқұлов Нұрсұлтан Амангелдіұлы
Биология пәні мұғалімі
Биологиядан облыстық олимпиада жеңімпазы. Еңбек өтілі - 10 жыл. АҚШ Елшілігі мен Ball State университетінің қолдауымен өткен ағылшын тілі және STEM мұғалімдеріне арналған бағдарламаның сертификат иегері (NU, 2019). Тілдік құзыреттілік (2017-18).
Алматова Аружан Батырбековна
Биология пәні мұғалімі
Биология ғылымдарының магистрі. Еңбек өтілі - 3 жыл. Биологиядан облыстық олимпиада жеңімпазы. Оқушылары қалалық олимпиада жеңімпаздары.
Жадырасын Ернұр Мирасұлы
География пәні мұғалімі, педагогика ғылымдарының магистрі
Географиядан облыс көлеміндегі олимпиадалар жеңімпазы.
Оқушылары республикалық пәндік олимпиаданың облыстық, республикалық кезеңдерінің жеңімпаздары.
Республикалық зерттеу жобалары мен шығармашылық жұмыстар конкурсының жеңімпаздарының жетекшісі, Гран-при, Астана, 2025 жыл.
Жакешева Алина Мухтаровна
География пәні мұғалімі
Оқушылардың география бойынша білімін кеңейтіп, табиғи және әлеуметтік үдерістерді түсінуіне көмектеседі.
Бактыгулов Аманжол Идиресович
Қазақ тілі мен әдебиеті пәні мұғалімі, педагог-зерттеуші
2019-2025 жылдары облыстық және өңірлік деңгейдегі байқаулар мен олимпиадаларда бірнеше рет І орын және «Бас жүлде» иеленген (соның ішінде 2024 ж. «Педагогикалық конкурс» І орын, 2025 ж. қазақ тілі мен әдебиеті мұғалімдері арасындағы олимпиада - «Бас жүлде»).
Утенова Куралай Курмановна
Қазақ тілі мен әдебиеті пәні мұғалімі
Еңбек өтілі 18 жыл, «Қазақ тілі (қарапайым деңгей)» оқулығының авторы.
Алпысбай Айназ Айбекқызы
Қазақ тілі пәні мұғалімі
Оқушылардың қазақ тілінде сауатты сөйлеп, жаза білуін дамытуға көмектеседі.
Ақырап Ақерке Серікқызы
Ағылшын тілі пәні мұғалімі, педагог-модератор
Еңбек өтілі 5 жыл, CELTA және IELTS (7.5) сертификаттары бар педагог-модератор. Оқушылары қалалық және облыстық пәндік олимпиадаларда жеңімпаздары.
Таңатар Мадина Малибайқызы
Ағылшын тілі пәні мұғалімі, педагог-модератор
Еңбек өтілі 6 жыл, CELTA және IELTS сертификаттары бар педагог-модератор. Оқушылары қалалық және облыстық пәндік олимпиадаларда жеңімпаздары.
Матигулова Гульсара Бактыбергеновна
Орыс тілі мен әдебиеті пәні мұғалімі
Еңбек өтілі - 25 жыл. Облыстық пәндік олимпиадада II орын иегері; «Педагогикалық идеялар панорамасы» сертификатының иесі; «Задания к итоговой аттестации» жинағына материалдары енген; «Тіл және іскерлік қарым-қатынас» атты авторлық бағдарламаның авторы.
Сактаганова Инжу Тулемисовна
Орыс тілі пәні мұғалімі
Оқушылардың орыс тілінде оқу және жазу дағдыларын дамытуға көмектеседі.
Қойшан Ырысжан Асқарбекқызы
Еңбек пәні мұғалімі
Оқушылардың шығармашылық және практикалық дағдыларын дамытуға көмектеседі.
Қазиев Нұртлеу Қайратұлы
Еңбек пәні мұғалімі
Оқушылардың еңбек дағдыларын, шығармашылық қабілеттерін және практикалық іскерлігін дамытады.
Сарсенгалиев Мербол Булатович
Дене шынықтыру пәні мұғалімі
Оқушылардың дене дайындығы мен салауатты өмір салтын дамытуға үлес қосады.
Серік Ақниет Берікұлы
Дене шынықтыру пәні мұғалімі
Оқушылардың дене дайындығы мен салауатты өмір салтын дамытуға үлес қосады.
Сарқытбаев Нұрсұлтан Алмасұлы
Алғашқы әскери және технологиялық дайындық пәні мұғалімі
Оқушыларға алғашқы әскери дайындық пен қауіпсіздік негіздерін үйретеді.
Оразова Зейнеп Маратқызы
Куратор
Сыныптар: 7A, 7B
Оқушыларға оқу барысын ұйымдастыруға және лицей өміріне бейімделуге көмектеседі.
Жалимбетова Аида Дәуренқызы
Куратор
Сыныптар: 7C, 8D
Сынып ұжымында өзара сыйластық пен жауапкершілікті қалыптастыруға қолдау көрсетеді.
Саламатұлы Айдарбек
Куратор
Сыныптар: 8A, 8B, 8C
Оқушыларға күнделікті оқуын ұйымдастыруға көмектеседі. Сыныптағы қарым-қатынас пен тәртіпке көңіл бөледі.
Қыдырбаева Гүлшат Сейтнұрқызы
Куратор
Сыныптар: 9B, 9C
Оқушыларға оқу мәселелері бойынша көмектесіп, лицейдегі іс-шараларға қатысуына қолдау көрсетеді.
Қуаныш Жасмин Амангелдіқызы
Куратор
Сыныптар: 9A, 10C
Оқушылардың оқу жетістіктерін бақылап, қажет кезде бағыт-бағдар береді.
Шарафадинова Айжан Мырзабекқызы
Куратор
Сыныптар: 10B, 11A
Психолог-педагог оқушыларды оқу мен сыныптан тыс қызметте сүйемелдейді. Оқу процесіне бейімделуге және туындайтын мәселелерді шешуге көмектеседі.
Мұрат Альмира Болатбекқызы
Куратор
Сыныптар: 10A, 11B
Оқушылардың сыныптағы жайлы әрі қолайлы ортада білім алуына қолдау көрсетеді.
Біздің командаға қосылыңыз!
«Ақбөбек» лицейіне өз ісіне адал, талантты мамандарды жұмысқа шақырамыз. Егер сіз білім беру ісіне шын жүректен қызығып, жас ұрпақтың өміріне оң өзгеріс енгізгіңіз келсе - біз сізбен танысқымыз келеді!
→Мұғалімдер (математика, ағылшын тілі, информатика пәндері)
→Кураторлар және әкімшілік қызметкерлер
→Бәсекеге қабілетті жалақы мен әлеуметтік жеңілдіктер қарастырылған.
Лицейге қабылдану
Қабылдау талаптары
Лицейге қабылдау келесі кезеңдер арқылы жүзеге асырылады:
- 1Өтінішті қабылдау бөліміне тапсыру
- 2Математика, ағылшын пәндерінен тестілеу, қазақ тілі пәнінен - эссе - оқушының базалық білімін анықтау
- 3Сұхбат - оқушы және ата-анамен жеке әңгімелесу
- 4Келісім-шарт жасау және оқу ақысын төлеу
Оқу ақысы
Оқу ақысы (2026-2027 оқу жылы):
Айына - 190 000 ₸
Интернат - 130 000 ₸
Оқу және тұру жағдайлары:
- Интернат: Басқа облыс, аудандардан келетін оқушыларға арналған
- Күніне 4 мезгіл тамақ беріледі: таңғы ас, тіскебасар, түскі ас, бесіндік
«Ақбөбек» лицейінде дарынды, білімге құштар оқушыларға арналған гранттар мен жеңілдіктер қарастырылған.
Біздің Instagram желісіндегі соңғы жаңалықтар мен фотосуреттер
Кампус және өмір сүру жағдайлары
Біздің заманауи кампус студенттердің оқуы мен өмір сүруіне қолайлы жағдай жасайды.
Кампус және Жатақхана
- Заманауи кабинеттер интерактивті тақта мен проектормен жабдықталған
- Компьютерлік сыныптар заманауи құрал-жабдықтармен
- 100 орындық жатақхана 2-4 адамға арналған жайлы бөлмелермен
- Асхана пайдалы әрі дәмді тағамдарымен
- Спорт залы және ашық спорт алаңы
- Кітапхана оқу және көркем әдебиеттер қорымен
Тамақ және Көлік
Тамақтану
Лицейде барлық оқушыларға төрт мезгіл тамақ беріледі. Мәзір өсіп келе жатқан балалардың қажеттіліктерін қанағаттандыруға арналған және әртүрлі тағамдардан тұрады.
Көлік
Жатақханада тұрмайтын оқушылар үшін таңертең және кешке қаланың негізгі аудандарына қатынайтын мектеп автобусы қарастырылған. Қызмет ақылы, орын саны шектеулі. Қызметті пайдалану үшін ата-ана қабылдау бөліміне жүгініп, алдын ала жазылуы қажет.
Автобустардың жүру кестесі мен бағыттарын лицей әкімшілігінен білуге болады.
Күн тәртібінің үлгісі
- 07:00Ұйқыдан тұру (интернатта тұратын оқушылар үшін)
- 08:00 - 08:45Негізгі сабақ
- 08:45 - 09:05Таңғы ас (7-8-сыныптар)
- 09:05 - 09:50Негізгі сабақ
- 09:50 - 10:10Таңғы ас (9-11-сыныптар)
- 10:10 - 12:35Үш негізгі сабақ
- 12:35 - 13:05Түскі ас (7-8-сыныптар)
- 13:05 - 13:50Негізгі сабақ
- 13:50 - 14:20Түскі ас (9-11-сыныптар)
- 14:20 - 15:45Негізгі немесе қосымша сабақтар
- 15:45 - 16:00Бесін ас (барлық сыныптар)
- 16:00 - 17:30Үй тапсырмаларын орындау және үйірмелер
- 17:30 - 18:30Бос уақыт
- 18:30 - 19:00Кешкі ас (интернатта тұратын оқушылар үшін)
- 19:00 - 21:00Бос уақыт, мәдени және спорттық іс-шаралар, кезекшілік және кешкі серуен
- 21:00 - 21:20Екінші кешкі ас (интернатта тұратын оқушылар үшін)
- 21:20 - 22:00Ұйқыға дайындық (интернатта тұратын оқушылар үшін)
- 22:00Ұйқы уақыты (интернатта тұратын оқушылар үшін)
Қабылдау емтиханы
Өткен жылдардағы қабылдау емтихандарының тапсырмаларымен танысып, оқуға түсуге мұқият дайындалуыңызға кеңес береміз.
Математика
90 минут, 30 тапсырма
Ағылшын тілі
60 минут, 40 тапсырма
Қазақ тілі
90 минут, 25 тапсырма
Бізді қалай табуға болады
Мұнда жылы сөздер тұрады0 тілек
Кішкентай стикердегі үлкен сезім
Ұстазға жылы сөз, лицей туралы естелік немесе жақсы күнге тілек. Осы оқиғаны бастаңыз.